شعر باغچاسی 2

ادبی

دوشنبه 18 خرداد 1394 ساعت 10:47

نئینیرسن ؟


زولفون ردیفلی غزل . دای شانه نی نئینیرسن
عالم اولوب اسیرین . دئ دانه نی نئینیرسن 
عومروم نه قدر واردی . یاندیرگینان یاخگینان 
باشووا توولاناجام . پروانه نی نئینیرسن 
زولفووین هر تاریندا .مین دیوانه باغلیدیر 
بونلا بئله یئنه ده. دیوانه نی نئینیرسن 
تاجین تاخین مالکی. مملکت لر شاهی سان 
مین مین اورگده قصرین .دای خانه نی نئینیرسن
سیندیرگینان گوزگونو. شعریمده باخ اوزونه 
دوواردا داش اورگلی . بیگانه نی نئینیرسن 
قوشمالاردا .غزلده . اوزونو گوره بیلسن ؟
او آن هوشدان گئدرسن میخانه نی نئینیرسن 
ساقی اول دولانگینان خومارلارین ایچینده 
عطرین هوشدان ائیله سین . پیمانه نی نئینیرسن 
آچگینان تئللرینی وئر کولگده اویناسین 
ملکلر شورا گلسین . ترانه نی نئینیرسن؟
نظرات (0)
امکان ثبت نظر جدید برای این مطلب وجود ندارد.


دریافت همین آهنگ