شعر باغچاسی 2

ادبی

یکشنبه 7 تیر 1394 ساعت 02:25

... یوسف لر زندان ایسته ییر

دور گل لیلی لیگ ائتگینن . کونلوم بیابان ایسته ییر 

قانادلاری سینیق هدهد . یانیر سلیمان ایسته ییر


عشقین تئشتی قویولوبدور . افسانه کسگردن دوشوب 

خان آراز سارای آختاریر . مغان خان چوبان ایسته ییر 


باغ باغچانی تیکان آلیب . گولو ، یامان گونه سالیب

باغین قوروموش داماری . سو ایسته ییر، قان ایسته ییر 


عشقی کرپیج هارا چکیب ؟. دمیر آلیب دارا چکیب  

ته یرلر آلتیندا قالمیش . اورگلر درمان ایسته ییر 


کور زلیخالارین گوزو . بیرده آیدین گورسون دییه 

منصورلار دارا چکیلیر . یوسف لر زندان ایسته ییر 


گویدن هله ده نور یاغیر . مریم لر یوخا چیخیبلار !!!

تک تک مریم تاپیلسادا . ایلی رمضان ایسته ییر 


باغ باغچایا اود وورولوب . بولبوللر کوچوب گئدیرلر

تمیز سئوگی بیر دفه لیگ . گئدیر چمدان ایسته ییر 


صمد کیمی لر تاپیلیب . آغزینا نه گلیر یازیر 

قلم بابا طاهر دییه . دوشوب همدان ایسته ییر  


نظرات (5)
+ بانو- ماهان
سالاملار استاد پور امان

بو شعیریزین دوره سینده دولانیب ،هر باخیشدا اونلاردان

درین فایدالانیرام نیچه مصرع برک اوره گیمه یاتیب ،میثال :

(قانادلاری سینیق هدهد . یانیر سلیمان ایسته ییر) و
(خان آراز سارای آختاریر . مغان خان چوبان ایسته ییر) و (منصورلار دارا چکیلیر . یوسف لر زندان ایسته ییر )

نه یاخشی اولاردی کی اینسان ائوزوده بی بالاجه شم

شعیری اولا و بوجوره سی گوزل گوزل شعیرلری اورکدَن

تجسسم الیه بیله .

یاشامالیسیز استاد ،شعر ده واقعی احساس و عاطیفی

تجربه نی ساده صورتده و بی تکللوف بیان نان ،راوان یازیب

یارادمیسینیز.
پنج‌شنبه 11 تیر 1394 ساعت 23:35
امتیاز: 1 0
پاسخ:
سلاملار حورمتلی و بویوک باجیم
چوخ خوش گلیب سیز .
فرهیخته لرین باخیشی هر بیر یازیچییا بویوک آرزی و افتخاردی .
بئله روحلاندیریجی و برکتلی گلیشیز سئویندیریجی لیگینده علاوه مسئولیت آرتیریر
واراولون
تانری سیزلری ادبیات ساحه سینه چوخ گورمه سین
عومروز اوزون
+ کیان
سلاملار و سایغیلار سیزین هانکی شعریزی اوخویورام متنینده بیر یئنی لیک گورورم و بو نشان وئریر سیزین فیکریز نقده ر آچیق و دور بریزی یاخچی گورورسیز یاشایین کیان
پنج‌شنبه 11 تیر 1394 ساعت 10:58
امتیاز: 0 0
پاسخ:
سلاملار استاد
محببتلی .روحلاندیریجی باخیشیزدان چوخ چوخ ممنون قالدیم
واراولون
سلاملار صمد قارداش
نئجه سینیز؟
چوخ گؤزل شعر قلمدن سوزوب سوز
دویغوسو بورودو منی....
دوشنبه 8 تیر 1394 ساعت 00:50
امتیاز: 1 0
پاسخ:
سلام حورمتلی باجی
واراولون .اوروج نامازیز قبول
واراولون گوزل باخیشیزلا
+ سرِّ عشق و وفا http://serreeshgh.mihanblog.com/
سلاملار
سایقیلار بویوک یارادیجی صنعتچی صمد بئی

گوزل شعریزی اوخودوم بیردفعه دییرده..تیکرارلا اوخوماغلا چوخلی گیزلی معنالار گورمک اولور ظاهرده ساده اولان سوزلرده

چوخ سئویملیدیر چوخ گوزل
استاد پورامانداندا بوندان آزی گوزلنمیر
آلله یورماسین
یکشنبه 7 تیر 1394 ساعت 09:57
امتیاز: 0 0
پاسخ:
سلام فرهیخته محترم بانو
گوزل باخیشلا روحلاندیریجی گلیشیز دن چوخ چوخ سئویندیم
بو سایق کی یاتمیشام
هئچ واخت
اویاناسی دئییلم
مگر
آدینی
یوخومون شیشه سینه
چیرپالار

یاشا .تانری سیزی قوروسون
صمد الک لییب سوزو،چیخاردیب سوزون جوهرین

قلم بابا طاهر دییه . دوشوب همدان ایسته ییر

سلاملار استاد
گؤزل بیر شعره بو سحری قوناق ایله میسن چؤچ سئودیم دونه دونه اوخودوم بوللی فایدالاندیم
اللرینه اوره یینه ساغلیق
یکشنبه 7 تیر 1394 ساعت 03:07
امتیاز: 0 0
پاسخ:
سلاملار استاد
دونه دونه وار اولاسیز گوزل و روحلاندیریجی باخیشیزلا
واراولون
امکان ثبت نظر جدید برای این مطلب وجود ندارد.


دریافت همین آهنگ