شعر باغچاسی 2

ادبی

سه‌شنبه 9 تیر 1394 ساعت 20:56

...من هارا ؟


بو قدر درد ایچینده . درمان هارا من هارا؟ 

باختین یاتمیش چاغیندا . جانان هارا من هارا ؟


نازی اودا باغلاییب . عیشوه سی آلوولارا 

بو اود - آلوو ایچینده . سامان هارا من هارا ؟


جورو پردن ائیله ییب . جفاسی ایکی بالدان 

مهرینین گویلرینده . جوولان هارا من هارا ؟


کرمینین صداسی . بوروسده عالمی 

لوطفونون سوفره سینده . مهمان هارا من هارا؟ 


یاناق آلما دوداق گول . گردن مینا ساچ سونبول 

من حسرت قویوسوندا . بوستان هارا من هارا ؟


توراج تک قاناد آچیر . آهو تک چولده قاچیر 

ایندی چولاق قیچیملا . جیران هارا من هارا؟


کیپریگینین اوخویلا . سینه می نشان آلیب 

انصافسیزا دیین یوخ . پیکان هارا من هارا ؟


دینیمی آلیب آتیب . ایمانیما سو قاتیب 

بو آخساق ایمانیله . شیطان هارا من هارا ؟


منطقی بوروق بوروق . حکمتی باغلی یومروق 

صمد،سینیق قلمله . عرفان هارا من هارا ؟


قامت قافیه -ردیف . گوزللیگ مین مثنوی 

بیر جوت جیزما قارایلا. دیوان هارا من هارا ؟


نظرات (10)
یاشاسین اوستادیمیز
شنبه 20 تیر 1394 ساعت 00:12
امتیاز: 0 0
پاسخ:
سلاملار استاد
واراولون
+ کسی
جورو پردن ائیله ییب . جفاسی ایکی بالدان 

مهرینین گویلرینده . جوولان هارا من هارا ؟

سلام معلم این بیت را اگر ممکن است خودت کمی بازتر کنی علاوه کنم که بیت بیت
عالی است .نماز روزه تان قبول .
جمعه 12 تیر 1394 ساعت 12:41
امتیاز: 0 0
پاسخ:
سلام بزرگوار
ممنون از عنایت تان .وجود معشوق در اولین وهله جور محض هست که بلافاصله بال و پر را می زند زمین گیر میکند
ضربالمثلی داریم سوبایلیق سولطان لیقدی )اینجا هم صدق می کند تا معشوقی در کار نیست ولی .سرگردانی . رهایی .مقصد خاصی هم نداشته باشی به هر طرف می توانی خواستی پرواز کنی .معشوق که اومد وسط دیگه هرکاری جایز و حلال نیست دیگه به سن و دیار تکلیف رسیده ای چار چوب داری شه پرت به نورش سوخته زمینی شده ای هر جا خواست او مختار است و می برد اوست قاتون وضع کرده و می کند تو باید رسم ارادت بجا آوری و طاعت .دیگه جولان در بلندی های دلخواه میسر نیست نور وجود اش مسیر بود ات را تایین میکند
مجال دیگر نمی ماند غیر از طواف دور نور اش .باید بسوزی و از خاکسترخویش باز به شوق نور اش سر بر آوری و به تعظیم بگذاری یعنی جولان دل به خواهی تمام .زنده باشید
+ پروین
سلاملار عزیز قارداشیم
یاشیاسیز بو قده ر تحسین اوچون
من سیز عزیز استادلاردان درس آلمالییام
انشا.. گون او گون اولسون انجومنیمیزه گلیب قوناقیمیز اولاسیز سیزدن فایدالاناق.....
جمعه 12 تیر 1394 ساعت 00:44
امتیاز: 0 0
پاسخ:
سلام فرهیخته آبجی
ساوالان سویو ایچنلر .ساوالانین گوزل کهلیگینین دیلنده ائل اوبانین دردین .ایسته گین . سئوینجین
گوزل حالدا باجاریب اوزه چیخارداندا
بیلاغلار شورا گلیب جوشور .کهنه قالالار اویانیر . خیاوچایلاری کوکره ییر
واراولون
+ بانو-ماهان
سالامنان جناب پور امان

احسنت سیز بزرگوارا .ان دیرلی ایشلردَن بیریسی

بودورکیچوخ گوزل دییبلر کچمیشلریمیز .

با رگتیرن هاچالار ،باش تیکَلر یئرلره

ومن بو احساسی سیزین (...من هار؟)شعیریزین

آخیر بیتینده تامیشام استاد.وار اولون بزرگوار .
اللریزه ساغلیق.

(قامت قافیه -ردیف . گوزللیگ مین مثنوی
بیر جوت جیزما قارایلا. دیوان هارا من هارا ؟)
جمعه 12 تیر 1394 ساعت 00:02
امتیاز: 0 0
پاسخ:
سلاملار حورمتلی بویوک باجیم
هرواختیز خئیر طاعات عباداتیز قبول .
بویوک اورگلر هر بیر کیچیک و دیرسیز بیر اثری ده قول قناد وئریب اوچوردا بیلیرلر
تا گویلر توز تورپاق یئرینه قوشلارلا دولسون
سیز محببتلی باخیشیزلا بئله بویوکلیگی معلم تک گوزل ایشله دیرسیز
بونون اوچون مننتدارام
یاشاسین ساوالان اورگلی . ستار فیکیر لی . باقرقلملی لر
چنلی بئلیمیز هجرسیز اولماییب اولمایاجاق واراولون
سلام استاد ارجمند
یئنه بیر گؤزل غزل درد و درماندان حکایت آچیب اوخودوم بوللی فایدالاندیم اللرینه اوره یینه ساغلیق
پنج‌شنبه 11 تیر 1394 ساعت 12:44
امتیاز: 0 0
سلام استاد ارجمند
یئنه بیر گؤزل غزل درد و درماندان حکایت آچیب اوخودوم بوللی فایدالاندیم اللرینه اوره یینه ساغلیق
پنج‌شنبه 11 تیر 1394 ساعت 12:42
امتیاز: 0 0
پاسخ:
سلام حورمتلی استاد
واراولون گوزل باخیشیزلا
تانری سیزی قوروسون.
+ سرِّعشق و وفا http://serreeshgh.mihanblog.com/
سلاملار
سایقیلار حورمتلی استاد پورامان بئی

حسرت و سئوگیله دولو اولان گوزل بیتلر گوردوم
یارادیجی قلمیزی تحسین ائدرکن دوعا ائلیرم
آلله سیزی هرهانکی ایستکیزه یئترسین.
شاد یاشایین.
چهارشنبه 10 تیر 1394 ساعت 10:58
امتیاز: 1 0
پاسخ:
سلام حورمتلی . فرهیخته سرعشق
گوزل باخیشیز و صمیمی دوعاز اوچون واراولون
تانری سیزی قورسون
چوخ سئویندیم
قامت قافیه -ردیف . گوزللیگ مین مثنوی

بیر جوت جیزما قارایلا. دیوان هارا من هارا ؟


یاشایین مین لر
فایدالاندیم....
چهارشنبه 10 تیر 1394 ساعت 05:55
امتیاز: 0 0
پاسخ:
سلام حورمتلی و فرهیخته آبجی
واراولون
میننتدارام
تانری سیزی قوروسن
گوزل استادیمیز سالاملار.یئنی وبلاگینیز موبارک اولسون .گوزل شعریزدن لذت الدیم و افتخارایله سیزی لینک ائتدیم
چهارشنبه 10 تیر 1394 ساعت 01:03
امتیاز: 0 0
پاسخ:
سلام استاد عزیز
واراولون
تانری سیزی قوروسون
+ معمار
سلام استاد عزیز

چوخ گوزل یازیبسان یاشا

بو قدر دردین ایچینده من هارا درمان هارا

بختین یاتمیش چاغیندا من هارا جانان هارا

نازی غمزه سی یارین عشوه سی آلو لانیر

بو اود آلو ایچینده من هارا سامان هارا

یاناق آلما دوداق گول ساچلاری ساری سونبول

من حسرت قویوسوندا من هارا بستان هارا

موفق اولاسیز . معمار
سه‌شنبه 9 تیر 1394 ساعت 21:36
امتیاز: 0 0
پاسخ:
سلام استاد
واراولون .
تانری سیزی قوروسون
امکان ثبت نظر جدید برای این مطلب وجود ندارد.


دریافت همین آهنگ