شعر باغچاسی 2

ادبی

جمعه 9 مرداد 1394 ساعت 19:39

قالای وئریدین

نه اولاردی رحمه گلیب . هاراییما های وئریدین 

ساچلارینین گئجه سیندن .بیر آزجانا پای وئریدین 

محببتینین ائیوانین . عشقیله سیلیب سوپوروب 

مهرینین سماوریندن .بیر پیالا چای ویریدین

جفانین آتیندان دوشوب . حاتم الینی اوزادیب 

بولودلاری گئری چکیب . گوزلریمه آی وئریدین 

گئیینیب آغ اورپگینی . مینیب آغ آتین بئلینده 

غم ویرمیش کونلومه بیر آز . نا ی نا نای نای نای وئریدین 

هیجرانینین قار بورانی . عومرومو قیشا بوکوبدو 

بیر قاشیق دامازدیق اوچون . اوجاغیندان یای وئریدین 

ایللردی سوسوز چوللری . آردینجا گزیب دولاندیم 

نه اولاردی ؟شاهلیق ائدیب . کولگنده سارای وئریدین 

اوره گیمین میسی سنسیز . قالیب قات قات پاخیر ویریب 

آلیردین قیزیل الینله . سیلیردین قالای وئریردین 

نظرات (8)
+ سلمان عبدی زاده http://salman8.blogfa.com
سلاملار استاد پورامان عزیز
گؤزل بیر شعر اوخودوم . اللرینیزه ، قلمینیزه ساغلیق . وار اولاسیز
یکشنبه 25 مرداد 1394 ساعت 13:32
امتیاز: 0 0
پاسخ:
سلام حورمتلی استاد
واراولون گوزل باخیشیزلا
تانری سیزی قوروسون
+ بانو-ماهان
سالاملاردیاریمین خوش قلم شاعیری
جناب پور امان

قالای وئریدین شعیریزی اوخویوب اورکدن فایدالاندیم

بوگوزل کَلَ مَلَری چوخ گورچک حالتده صاحابینین اینینه گِیم بیچمیسیز اللرینیزه و راوان قلمینیزه ساغلیق.

منده گزیب بیر نئچه بیت استاد شهریار (ره) گتیر میشم

تا زنده یاد گلیب رحمتین آچارسین .

هــر گوزلدن بیــر گـــول آلیب
ســن گـــوزه له پای دئمیشم
سنین گـــون تــک باتماغیوی
آی بـــاتـــانـــا تــــای دئمیشم
اینــدی یــایــا قــــیش دئییرم
ســـابق قیشا ، یای دئمیشم
گــاه تــوییوی یاده ســــالیب
من ده لی ، نای نای دئمیشم
شنبه 17 مرداد 1394 ساعت 21:21
امتیاز: 0 0
پاسخ:
سلام فرهیخته آبجی
هممه شه کی تک گوزل باخیشیز و روحلاندیریجی گلیشز دن چوخ ممنون قالدیم
تانری سیزی بویوکلیگدن اکسیگ ائله مه سین .ساغلیقلی اوغورلار
سایین استادیمیز درین شعریزدن لذت آلدیم. گؤزل قلمیزه آلقیشلار
شنبه 17 مرداد 1394 ساعت 15:57
امتیاز: 0 0
پاسخ:
سلاملار
واراولون جانیم
گوزل باخیشیزلا واراولون.
سالاملار عزیز اوستاد
گؤزل شعرین اؤره گیمه صفا وئردی
یاشاسین
چهارشنبه 14 مرداد 1394 ساعت 23:58
امتیاز: 0 0
پاسخ:
سلاملار جانیم
گوزل و بویوگ اوره گیزله واراولون
مننتدارام
گؤزل شاعیریمز اللروار. سیزی کندیمیزده لینک ائتدیم.
سه‌شنبه 13 مرداد 1394 ساعت 23:53
امتیاز: 0 0
پاسخ:
سلاملار عزیزیم
خوش گلیبسیز
واراولون محببتیزله
سیزده افتخارلا باغلانتیلاریما قوشولدوز
اوغورلار
سایین استادیمیزسالاملار.گؤزل غزلیزذن لذت آلدیم. اللروار
یکشنبه 11 مرداد 1394 ساعت 19:42
امتیاز: 0 0
پاسخ:
سالاملتر حورمتلی استاد
واراولون گوزل باخیشیزلا
تانری سیزی قوروسون.
+ رضا حیدری(آیدین) http://Aydinsher.blogfa.com
سلاملار و درین سایقیلارلا حؤرمتلی اوستاد . حال و احوال نئجه دی ؟ منی عفو ائلرسیز بئواخ باش وورورام .
گؤزل ، دویغولو و اوره یه یاتیم غزلیزدن لذت آلیب فایدالاندیم . قلمیز یازار اولسون .
یکشنبه 11 مرداد 1394 ساعت 11:38
امتیاز: 0 0
پاسخ:
سلام جانیم وار اولون
محببتلی گلیشیز چوخ روحلاندیریجی دیر
تانری سیزی قوروسون
نه اولاردی رحمه گلیب . هاراییما های وئریدین
ساچلارینین گئجه سیندن .بیر آزجانا پای وئریدین
محببتینین ائیوانین . عشقیله سیلیب سوپوروب
مهرینین سماوریندن .بیر پیالا چای ویریدین

سلاملار استاد
یئنه بیر گؤزل غزلینین قوناغی اولدوم
اللرینه اوره یینه ساغلیق
شنبه 10 مرداد 1394 ساعت 01:22
امتیاز: 0 0
پاسخ:
سلام حورمتلی استاد
واراولون گوزل باخیشلی گلیشیزله
بویوکلیگیز آرتیق
تانری سیزی قوروسون :
امکان ثبت نظر جدید برای این مطلب وجود ندارد.


دریافت همین آهنگ