عشقین هارایی

گل ای مجنون عشقینین . شورو ، شری یوخ اولوب

گونشین آل آپاریب . آغ سحری یوخ اولوب 

شامین کولو سوورولوب .  لامپ اورگی قیزدیریر

سیمرغی کولک ویریب . بال پری یوخ اولوب 

بیستون باتیب چنه . تئشه نی پاس پاسیبدیر

 

فرهاد باتیب دره ده . داش دفتری یوخ اولوب 

چنلی بئلده قالالار . اوچوبلار داغیلیبلار

 

قیرآتین دیرناغیندا . سیمی زری یوخ اولوب 

دنیزلرین اورگین . نووتلو چیرکاب آلیب 

صدفلری قیریلیب . دور گوهری یوخ اولوب 

عشق کرپیج گئیینیب . سیمتلی کورکون آتیب 

عاشیقلرین معشوقا . دای باوری یوخ اولوب

عشقین کتابلارینی . زامانا یاندیریبدیر 

بیر افسانه قالیرسا؟ پیغمبری یوخ اولوب !

وای ! عشقین یاراسینا . هرگلن دوز باغلاییر 

صمد ،طبیب لرینده . مرهم لری یوخ اولوب

....سولاری قالخان ائیله دی

سارایا باخ عصمتیله . بیر چوبانی خان ائیله دی 

حیاتین سئلین الیله .عشقینه قوربان ائیله دی 

آرپاچایین جام جام ایشدی .قانادلانیب گویه اوشدو 

ناکیشینین شمشیرینه .سولاری قالخان ائیله دی 

سطیرسطیر یازدی اوءزون .شاعر اولدوغزل اولدو 

ایکی هئجالی آدینی . ییر قالین دیوان ائیله دی 

یومدو گوزون مال دولته .توپوردو قارا شهرته 

یاندیردی پیس نیت کوکون . کاخلاری ویران ائیله دی 

لیل باخیشی تپیک له ییب.قارامادان زئقدان کئشدی 

دورو سویون قوجاغیندا.زولفونو افشان ائیله دی

معصوم گولوشون. ....

آلما بو دیوانه دن . باری  بوش خیابانی

 

سنسیز منیمله یاغان .قارا بولوت ،بارانی 

مین باهار گلرسه ده . بیر گولده آچمییاجاق 

هرگون گوزوم سوواریر.باغچادا بوش گولدانی

قوی هربیرغزلیمده.آدین شاهلیق ائیله سین 

قارا پولا کیم آلار . آدینسیز بو دیوانی 

سن اولماسان فروردین.ایلین یادیندان چیخار 

گل سیلگینن عومرومدن . آذری ،مهر-آبانی 

سنسیز باغچاما گولوم .باری سئرچه ده قونمور 

گل یایلیقینداکی قوش . بزه سین بو ائیوانی 

یوخلوقونلا طالئییم .قیریلماز پیمان قوروب 

معصوم گولوشون هاچان ؟ سیندیراجاق پیمانی 

آغ اوزونده کی تک خال . چکدی منی قومارا 

نه ییم وار اوتوزموشام.حتتا دینی.ایمانی