قیرمیزی پیاله

بیرجه پیاله او گولون . الیندن حواله اولا ؟

اینانمیرام عومور بویو . سینه مده بیر ناله اولا

دونیانی بوتون آختارین . هانکی میخانادا واردیر

او قونچا دوداقلار تکین . قیرمیزی پیاله اولا

آلتی قارره نی دولاشین  . اینانمیرام هئچ اولکه ده 

اول آل یاناقلارا اوخشار . باغ تاپیلا لاله اولا؟ 

هانکی دفترهانکی کتاب ؟ هانکی دیواندا گورموسوز ؟ 

گوزلرینین سوزلری تک . عشقه بیر رساله اولا؟ 

جانیندا هوشون دوه سی . تیکانا ، چور - چوپه باخمیر

آچیب آغزینی کی  گرگ .  غزلدن  نوواله  اولا

ایمکانیم اولایدی صمد .  بو  دونیانی  گویلریله 

آزدیر کی آلام  یازدیرام  .  آدینا قباله  اولا 

اورگ - عاغیل

اوره گیم ایسته ییر سنی . عاغلیم حسادت ائیله ییر

هممه شه اورگ ایشینه  . فیکیر دخالت ائیله ییر 

قورتارماق اولمورالیندن . دوستون دوشمانین یانیندا 

اوز گوزومون بزگینی . ترلی خجالت ائیله ییر

اوره گین دویونتولرین .بیربیرییغیب چنته سینه 

سونرا هریولدان کئچه نه . دوروب حکایت 

ائیله ییر

اورگ سئوگیلی یولوندا . آلاندا جانین الینه 

دوروب دوشوب اورتالیقا . فیکیرملامت ائیله ییر

اورگ یانماقی سئورکن .کول اولماقیندان ذوق آلیر

الینه تیکان باتاندا . عاقیل شکایت ائیله ییر 

اورگ آز چوخ نه دیربیلمیر . وارندیرچوخ ندیربیلمیر

عشقه قوربان گئدنده  ده . عاغیل قناعت ائیله ییر 

عاغیل اوز توتوب بازارا . تره زیسین اویناداندا 

اورگ قیبله یه اوتوروب . عشقی تلاوت ائیله ییر 

... نام الینده

آختاریب آختاریب گوردوم . ایلیشمیشم نام الینده

باشیندان اولوبدو باشیم . قولپو سینیق جام الینده

نئجه جلد بیر قوشیمیشام ! ایللردی کی ایلیشمیشم 

قانادیمدان، دیمدیگیمدن . دانه سیز بیر دام الینده

اود آلوودا، یاناندا کاش . سئوگی اودوندا یاناسان

نئجه پروانه لر یانیر . خیرداجا بیر شام الینده

بیراوچ بئش گونلوگ دونیادا . نام کولگه سینده قالینجا 

نه یاخشیدیر کی قالایدیم . نازلی گول اندام الینده 

وفاسیز یالان دونیانین . الینه وئرمه الینی 

فانی دونیایا اینانیب . اولما صمد رام الینده 

گوزآچیب یومونجا گوردون . کفن بیچیلیب اینینه 

دونیا سنی تابیدیندا . آپاریرناکام الینده