شعر باغچاسی 2

ادبی

یکشنبه 11 بهمن 1394 ساعت 14:48

خام کباب


یاز اولسادا مئی سیز سحر . گوزلریمده شام گورونور 


سئوگی سیز آچیلان قوجاق . بر - بزگلی دام گورونور



میننتلی شکر ، بال اولسون . زهرمارداندا آجی دیر 


عشقیله وئریلن زهر . شراب دولو جام گورونور 



چک اوزوندن یایلیقینی . قوی گون چیخسین آلوو یاغسین 


سینه مده کی بو کبابین . قانی آخیر خام گورونور 



هر باخاندا مست اولورام . اوزومده هئچ بیلمیرمیشم 


اوزونده کی کیشمیش ایمیش . کاناردان بادام گورونور 



قانی توکولموش شهیده . یار کویینده آغلامایین 


جانی یار قوجاغیندادیر . جیسمیندن ناکام گورونور 



گیرمیشدیم سویود باغیندان . آلما گتیردیم گولدولر

 

عاغیللا باخاندا دوزدور . زیلیخا بد نام گورونور 



سینه ده عشقین دامجی سی . صمد کیچیگ گورونسه ده ؟ 


بیر طوفاندی هادیر اولون . باخمایین آرام گورونور


نظرات (3)
واقعا عالیه .
وجودتون افتخاره
چهارشنبه 14 بهمن 1394 ساعت 13:40
امتیاز: 0 0
پاسخ:
سلام گرامی .
لطف دارید .سپاس
چک اوزوندن یایلیقینی . قوی گون چیخسین آلوو یاغسین

سینه مده کی بو کبابین . قانی آخیر خام گورونور

سلام استاد ارجمند
خام کباب عنوانلی غزلینی اوقدر گؤزل یازمیسان کی هربیتی بیربیریندن گؤزل...
یا...
قانی توکولموش شهیده . یار کویینده آغلامایین

جانی یار قوجاغیندادیر . جیسمیندن ناکام گورونور

بوشعریندن آیریلماق اولمور...
واقعن لذت آلدیم استاد یاشا
دوشنبه 12 بهمن 1394 ساعت 18:45
امتیاز: 0 0
پاسخ:
سلام حورمتلی استاد
بئله روحلاندیریجی و گوزل باخیشلی گلیشیزله اومود یاغدیریب
محببت پای وئردیگیز اوچون مننتدارام
تانری سیزی قوروسون
+ تورکجه طنزلر http://turkcetenzler.arzublog.com/
سایین استادیمیزشعرهمیشکی کیمین معنالی وگوزل دی.اللروار

میننتلی شکر ، بال اولسون . زهرمارداندا آجی دیر

عشقیله وئریلن زهر . شراب دولو جام گورونور
سعئی بویوروب:
زهرازقبل تونوشداروست
فحش ازدهن توطیبات است!
دوشنبه 12 بهمن 1394 ساعت 11:09
امتیاز: 0 0
پاسخ:
سلام حورمتلی و عزیز استاد
واراولون روحلاندیریجی گلیشز له
تانری سیزی قوروسون
امکان ثبت نظر جدید برای این مطلب وجود ندارد.


دریافت همین آهنگ