شعر باغچاسی 2

ادبی

دوشنبه 19 بهمن 1394 ساعت 14:25

... تاپمیشام

سورسوموگومه جانی . جانانه ده تاپمیشام 

دوز ، اصیل گولوشلری . دیوانه ده تاپمیشام 


کعبه ده مسجیدلرده . تاپا بیلمه دیگیمی 

ایاق قویوب صحنینه . بتخانه ده تاپمیشام 


دربارلاردا ، کاخلاردا . ایتیردیگیم گوهری 

بیر آن دونوب اوزومه . ویرانه ده تاپمیشام 


قارانلیقدا  ایللری . ظولمتی چکه چکه 

ایشقدا جان یوماقی . پروانه ده تاپمیشام 


مصلاحات توستوسونده . بوغولموش حقیقتی 

زنجیرین تسبئح ائدیب . دیوانه ده تاپمیشام

 

قاچیب زاهید الیندن . دوشوب ساقی ایغینا 

معرفتین   جوهرین  . پیمانه ده تاپمیشام 


ریالی  سجاده نی .  باغلاییب دوشوب یولا 

" صمد " صفا ،مردلیگی . میخانه ده تاپمیشام 

نظرات (3)
+ حجت شاواللی http://hojjat-shavalli.blogfa.com
سلام قارداش گلیشیزدن دنیالار قدری سئویندیم یاشایز
پنج‌شنبه 6 اسفند 1394 ساعت 00:00
امتیاز: 0 0
پاسخ:
سلام حورمتلی قلمداش
واراولون
اوغورلار
+ سرعشق و وفا http://serreeshgh.mihanblog.com/
سلاملار
سایقیلار استاد

چوخ درین دویغولی گوزل معنالی سوزلر آلله یورماسین اوخویوب هر بیر بیتیندن چوخلی فایدالاندیم.
یولیز آچیق اولسون
شنبه 1 اسفند 1394 ساعت 21:16
امتیاز: 0 0
پاسخ:
سلام فرهیخته ی بزرگوار
نگاه سبزتان راسپاس فراوان .نهایت لطف روحیه بخش تان را درود بسیار .
سلاملار استاد
گئج گلمه گیمه باغیشلارسان بیر مدت یوخویدوم
گؤزل شعریندن بوللی فایدالاندیم
اللرینه ساغلیق
جمعه 30 بهمن 1394 ساعت 14:12
امتیاز: 0 0
پاسخ:
سلام عزیز و حورمتلی استاد
واراولون .لوطفوز آرتیق
اوغورلار
امکان ثبت نظر جدید برای این مطلب وجود ندارد.


دریافت همین آهنگ