شعر باغچاسی 2

ادبی

یکشنبه 9 اسفند 1394 ساعت 08:24

دولاشما


خومارا کی اوز قویوب . میخانه یه دولاشما 

زنجیره کی فخر ائدیر . دیوانه یه دولاشما 


هر کسین بیر جانی وار . بیریولدا قویمالیدیر

نور اوغروندا جان قویان . پروانه یه دولاشما 


عاریفلر کی قالیبلار . باشلارینین کویونه* 

زاهیدلره آللانیب . پیمانه یه دولاشما 


هربیر یانان اورگه . یقین بیر درد اود ووروب 

کول آلتدا گنجی یاتمیش . ویرانه یه دولاشما 


آغ اوزده قارا خالین . مین بیر حکمتی واردیر 

قیزل قوشو بند ائدن . اول دانه یه دولاشما 


کوراوغلو ،هجردوغان . سئللرده سارای بوغان 

اصلی کرم یارادان . افسانه یه دولاشما 


هر شعیرین اوزونون . جانی وار جانانی وار 

صمدی مجنون ائدن . جانانه یه دولاشما

.............  ........... ............

* کویونه :  هایینا 

نظرات (2)
سلاملار استاد
گؤزل ودیرلی شعرلرینیزی اوخویوب ذوق آلدیم
ایلهامینیز همیشه قاینار قلمینیز هر زامان کسرلی اولسون
سه‌شنبه 11 اسفند 1394 ساعت 00:11
امتیاز: 0 0
پاسخ:
سالاملار درین سایقیلار حورمتلی استاد
واراولون چرشنبه آلووتک ایستی باخیشیزلا روحومدا بایرام یارادیب .روحلاندیریرسیز
بو اودچرشنبه سینده آغرلیقیز اودا قالسین
آرزیلاریز چین
آغ اوزده قارا خالین . مین بیر حکمتی واردیر

قیزل قوشو بند ائدن . اول دانه یه دولاشما


یاشا استاد چوخ یاشا
عاشقانه لریز داهادا گوزل اولور.سیزه آلقیشلار.
دوشنبه 10 اسفند 1394 ساعت 20:23
امتیاز: 0 0
پاسخ:
دونیادا بوتون گوزللیگلرین یارادیجی سی گوزل باخیشلاردی .
حتا لیلینی ده مجنونون گوزل باخیشی یاراتدی
شیرینی فرهادین . اصلینی کرمین و ها بئله ...
نوروز گولوده طبیعتین .یارادانین گوزل باخیشلا طبیعتیه یاز گتیریر

سلام حورمتلی و فرهیخته قلمداش
وار اولون یاشیل باخیشیزلا کی روحدا بایراملار یارادیر
اود چرشنبه نیز موبارک
امکان ثبت نظر جدید برای این مطلب وجود ندارد.


دریافت همین آهنگ