دوواردان باجا دلمه لیگ 

یوللاردان بیری گلمه لیگ 

کاغاذلاردا بیر کلمه لیگ 

سوزومه یئر وار گوره سن؟ 


اوزوگلردن بیر تاخیملیق 

بیلاغلاردان بیر آخیملیق 

آیدینلیقا بیر باخیملیق 

گوزومه یئر وار گوره سن؟ 


سئویجیمده . آغلاریمدا 

اوز قویماغا داغلاریمدا 

بیر ایاقلیق باغلاریمدا 

اوزومه یئر وار گوره سن؟ 


دوورم دولو موعممادی 

اگردی .آنجاق . آممادی 

باشلار باشلاری قانمادی 

چوزومه یئر وار گوره سن؟ 


نملی قارانلیق بیجاغدا 

غملی. حسرتلی قوجاغدا 

کولگلی سویوق اوجاغدا 

کوزومه  یئر وار گوره سن؟


اوجاقلارین بوش ساجیلا 

باشلاردا آغری تاجیلا 

بو قدر دردله آجیلا 

دوزومه یئر وار گوره سن؟ 


آشیب  هوندورلوگ .اوجالیق 

حاخلایب داها قوجالیق 

مندن سونرا بیر هئجالیق 

ایزیمه یئر وار گوره سن؟ 


ص.پ

نظرات 2 + ارسال نظر
saberebadi جمعه 14 آبان 1395 ساعت 15:28 http://saberebade.mihanblog.com

سالاملار اؤلسون حؤرمتلی صمد جنابلارینا اللرینا قووت ماراخلیدی گؤزه ل بهره آپاردیخ یاشا

اوزوگلردن بیر تاخیملیق
بیلاغلاردان بیر آخیملیق
آیدینلیقا بیر باخیملیق
گوزومه یئر وار گوره سن؟

سلاملار جناب عبادی ارجمند
واراولون
تانری سیزی قوروسون

سرِّ عشق یکشنبه 9 آبان 1395 ساعت 09:27 http://serreeshgh.mihanblog.com/

سلاملار استاد پورامان
بو وقتیز خییر

چوخ گوزل شعر سیزدن اوخویوب فایدالاندیم
هر زامانکی کیمی آنناملی و عین حالدا دویغولو سوزلر
یازیبسیز
آلله یورماسین
یاشایین

سلاملار حورمتلی قلمداش
واراولون گوزل .یاشیل باخیشیزلا
هرواختیز خئیر

امکان ثبت نظر جدید برای این مطلب وجود ندارد.