ساتمایین

تپه نی داغ دئییب چنه ساتمایین 

یوخ ائوین کلیدین منه ساتمایین 

موفته پایلایین غزل بازاریندا 

بولبولون نغمه سین دنه ساتمایین 

پرپر ائدین گولو توکون چایلارا 

نازلاییب . قارا گولخنه ساتمایین 

قیرمایین سوزوزو . بوتوو سویله یین 

سوزو ته تن . تن . ته ته نه . ساتمایین 

آتین اوره گی دوستون آیاغینا 

قیزیل - گوموشه . دوشمنه ساتمایین 

جئیران بالاسینی وئرین شیر یئسین 

میننتلی باغدا چمنه ساتمایین 

صمد اولدو . شعره بوکون باسدیرین 

سیدیر. کافورا. کفنه ساتمایین