سفر

اول شربتدن وئر ایچیم. اوندا شکر کئفلیدیر 

یولچو ائدین او یولا. اوردا سفر کئفلیدیر 

ایللری اوسته اوسته . یاتارسام اویاتمایین 

تکی اول گون اویادین . گوردوز سحر کئفلیدیر 

بو گوزوم بو اوره ییم. ویرین عاشیق ایلانا

آلسین مین کره چالسین. نوشدو، زهر کئفلیدیر 

هاچانسا؟گوی اوزونه .بیر پیاله جالانیب 

اودور گوندوز گونشی.گئجه قمر کئفلیدیر 

هانکی گول گلیب کئچیب؟.هانکی مئی دن پایلاشیب؟

دووارلاری ییخیلیر . بوتون شهر کئفلیدیر 

صمد باخماغی اویرن. گوررسن چوخ اولکه ده 

داش تورپاغی بیر تهر. باغ بیر تهر کئفلیدیر 

ص. پورامان بیله سوار