شعر باغچاسی 2

ادبی

یکشنبه 17 اردیبهشت 1396 ساعت 17:41

کیم اویاتدی؟

گئجه یدی بیز قول قولا. اذانی کیم اویاتدی ؟ 

آبری کیم یادا سالدی. حایانی کیم اویاتدی؟ 

کیم ایشیق ایشیق دئییب؟گونشی خبر ائتدی 

قوربان نذیر ائیله دی. دوعانی کیم اویاتدی؟ 

بارماغلار تئل ایچینده. آرخایین دولانیردی 

هانکی گوز گوتورمه دی؟ . صبانی کیم اویاتدی؟ 

هانکی قوش گوو اوزوندن .آی اولدوزو دنله دی 

سحره خنجر وئریب . بلانی کیم اویاتدی ؟

دردیم یورغانین چکیب . غمیم گئدیب یاتمیشدی 

باختیمین اولکه سینده . عزانی کیم اویاتدی ؟ 

بیر منیدیم درگاهی.  گله نی یوخ گئده نی

سایا گلمز بو قدر . گیدانی کیم اویاتدی؟ 

منیدیم چیچکلی باغ. اوجو یوخ بیجاغی یوخ 

قدری کیم چاغیردی ؟ قضانی کیم اویاتدی؟

ماغیل کی گئجه ایدی . هرنه وار بیر گورومده 

بویالاری کیم چکدی؟ ریانی کیم اویاتدی؟ 

جوورون جافانین صمد.بیر داد.طامی واریدی 

قاضینی کیم دیکلتدی؟ قضانی کیم اویاتدی؟

ص.پورامان

نظرات (1)
+ مهدی
با سلام خدمت استاد گرانقدر در صورت امکان شعر زیبای "مرا پل نکنید "رو بزارین صفحه اصلی تشکر
شنبه 23 اردیبهشت 1396 ساعت 20:21
امتیاز: 0 0
پاسخ:
سلام جان ام ممنون از حضورتان
چشم در اولین فرصت
امکان ثبت نظر جدید برای این مطلب وجود ندارد.


دریافت همین آهنگ