شعریم سنله باشلاییر . الفبا دا ( آ ) کیمین
(وا )ییمی هاوا ائتدین . ایکی گوزلو (ها ) کیمین
آدین روحومدا آخیر . دامارلاردا قان تکین
قلبیمی آباد ائدیب . خیردا کندی خان تکین
آلا گوزون اولدوزتک . گئجه گوندوز پارلاییر
عومرومه حیات وئریر . جسمیمده کی جان تکین
یاناقیندا آلمایا . هممه شه یئریگده یم
ائله گرگیمدی کی . خسته یه درمان تکین
دور باخگینان بیر آنلیق . کیپریگلرین سینه می
آل قانا بله ییبدی . کویونده قوربان تکین
ساچلارینین عطیری . ائله سئحیرله ییب کی
اؤزوم ، اؤز وارلیقمدا . دورموشام مهمان تکین
صمد من حئیرتده یم . سرو قده گور نئجه ؟
بال آریسی - پروانه . داراشیب بستان تکین !