شعر باغچاسی 2

ادبی

دولاشما


خومارا کی اوز قویوب . میخانه یه دولاشما 

زنجیره کی فخر ائدیر . دیوانه یه دولاشما 


هر کسین بیر جانی وار . بیریولدا قویمالیدیر

نور اوغروندا جان قویان . پروانه یه دولاشما 


عاریفلر کی قالیبلار . باشلارینین کویونه* 

زاهیدلره آللانیب . پیمانه یه دولاشما 


هربیر یانان اورگه . یقین بیر درد اود ووروب 

کول آلتدا گنجی یاتمیش . ویرانه یه دولاشما 


آغ اوزده قارا خالین . مین بیر حکمتی واردیر 

قیزل قوشو بند ائدن . اول دانه یه دولاشما 


کوراوغلو ،هجردوغان . سئللرده سارای بوغان 

اصلی کرم یارادان . افسانه یه دولاشما 


هر شعیرین اوزونون . جانی وار جانانی وار 

صمدی مجنون ائدن . جانانه یه دولاشما

.............  ........... ............

* کویونه :  هایینا 

صمد یکشنبه 9 اسفند 1394 ساعت 08:24
نظرات 2 + ارسال نظر
درگاهی سه‌شنبه 11 اسفند 1394 ساعت 00:11 http://dargahiabbasloo.mihanblog.com/

سلاملار استاد
گؤزل ودیرلی شعرلرینیزی اوخویوب ذوق آلدیم
ایلهامینیز همیشه قاینار قلمینیز هر زامان کسرلی اولسون

سالاملار درین سایقیلار حورمتلی استاد
واراولون چرشنبه آلووتک ایستی باخیشیزلا روحومدا بایرام یارادیب .روحلاندیریرسیز
بو اودچرشنبه سینده آغرلیقیز اودا قالسین
آرزیلاریز چین

سرِّ عشق دوشنبه 10 اسفند 1394 ساعت 20:23 http://serreeshgh.mihanblog.com/

آغ اوزده قارا خالین . مین بیر حکمتی واردیر

قیزل قوشو بند ائدن . اول دانه یه دولاشما


یاشا استاد چوخ یاشا
عاشقانه لریز داهادا گوزل اولور.سیزه آلقیشلار.

دونیادا بوتون گوزللیگلرین یارادیجی سی گوزل باخیشلاردی .
حتا لیلینی ده مجنونون گوزل باخیشی یاراتدی
شیرینی فرهادین . اصلینی کرمین و ها بئله ...
نوروز گولوده طبیعتین .یارادانین گوزل باخیشلا طبیعتیه یاز گتیریر

سلام حورمتلی و فرهیخته قلمداش
وار اولون یاشیل باخیشیزلا کی روحدا بایراملار یارادیر
اود چرشنبه نیز موبارک

امکان ثبت نظر جدید برای این مطلب وجود ندارد.