نه اولاردی رحمه گلیب . هاراییما های وئریدین
ساچلارینین گئجه سیندن .بیر آزجانا پای وئریدین
محببتینین ائیوانین . عشقیله سیلیب سوپوروب
مهرینین سماوریندن .بیر پیالا چای ویریدین
جفانین آتیندان دوشوب . حاتم الینی اوزادیب
بولودلاری گئری چکیب . گوزلریمه آی وئریدین
گئیینیب آغ اورپگینی . مینیب آغ آتین بئلینده
غم ویرمیش کونلومه بیر آز . نا ی نا نای نای نای وئریدین
هیجرانینین قار بورانی . عومرومو قیشا بوکوبدو
بیر قاشیق دامازدیق اوچون . اوجاغیندان یای وئریدین
ایللردی سوسوز چوللری . آردینجا گزیب دولاندیم
نه اولاردی ؟شاهلیق ائدیب . کولگنده سارای وئریدین
اوره گیمین میسی سنسیز . قالیب قات قات پاخیر ویریب
آلیردین قیزیل الینله . سیلیردین قالای وئریردین
سلاملار استاد پورامان عزیز
گؤزل بیر شعر اوخودوم . اللرینیزه ، قلمینیزه ساغلیق . وار اولاسیز
سلام حورمتلی استاد
واراولون گوزل باخیشیزلا
تانری سیزی قوروسون
سالاملاردیاریمین خوش قلم شاعیری
جناب پور امان
قالای وئریدین شعیریزی اوخویوب اورکدن فایدالاندیم
بوگوزل کَلَ مَلَری چوخ گورچک حالتده صاحابینین اینینه گِیم بیچمیسیز اللرینیزه و راوان قلمینیزه ساغلیق.
منده گزیب بیر نئچه بیت استاد شهریار (ره) گتیر میشم
تا زنده یاد گلیب رحمتین آچارسین .
هــر گوزلدن بیــر گـــول آلیب
ســن گـــوزه له پای دئمیشم
سنین گـــون تــک باتماغیوی
آی بـــاتـــانـــا تــــای دئمیشم
اینــدی یــایــا قــــیش دئییرم
ســـابق قیشا ، یای دئمیشم
گــاه تــوییوی یاده ســــالیب
من ده لی ، نای نای دئمیشم
سلام فرهیخته آبجی
هممه شه کی تک گوزل باخیشیز و روحلاندیریجی گلیشز دن چوخ ممنون قالدیم
تانری سیزی بویوکلیگدن اکسیگ ائله مه سین .ساغلیقلی اوغورلار
سایین استادیمیز درین شعریزدن لذت آلدیم. گؤزل قلمیزه آلقیشلار
سلاملار
واراولون جانیم
گوزل باخیشیزلا واراولون.
سالاملار عزیز اوستاد
گؤزل شعرین اؤره گیمه صفا وئردی
یاشاسین
سلاملار جانیم
گوزل و بویوگ اوره گیزله واراولون
مننتدارام
گؤزل شاعیریمز اللروار. سیزی کندیمیزده لینک ائتدیم.
سلاملار عزیزیم
خوش گلیبسیز
واراولون محببتیزله
سیزده افتخارلا باغلانتیلاریما قوشولدوز
اوغورلار
سایین استادیمیزسالاملار.گؤزل غزلیزذن لذت آلدیم. اللروار
سالاملتر حورمتلی استاد
واراولون گوزل باخیشیزلا
تانری سیزی قوروسون.
سلاملار و درین سایقیلارلا حؤرمتلی اوستاد . حال و احوال نئجه دی ؟ منی عفو ائلرسیز بئواخ باش وورورام .
گؤزل ، دویغولو و اوره یه یاتیم غزلیزدن لذت آلیب فایدالاندیم . قلمیز یازار اولسون .
سلام جانیم وار اولون
محببتلی گلیشیز چوخ روحلاندیریجی دیر
تانری سیزی قوروسون
نه اولاردی رحمه گلیب . هاراییما های وئریدین
ساچلارینین گئجه سیندن .بیر آزجانا پای وئریدین
محببتینین ائیوانین . عشقیله سیلیب سوپوروب
مهرینین سماوریندن .بیر پیالا چای ویریدین
سلاملار استاد
یئنه بیر گؤزل غزلینین قوناغی اولدوم
اللرینه اوره یینه ساغلیق
سلام حورمتلی استاد
واراولون گوزل باخیشلی گلیشیزله
بویوکلیگیز آرتیق
تانری سیزی قوروسون :