شعر باغچاسی 2

ادبی

یکشنبه 25 مرداد 1394 ساعت 16:39

ایشیق دنیزی



قامتین گول باخچاسی ، ساچین عطیر باغیدیر 



گؤزون ایشیق دنیزی ، محببت بیلاغیدیر 





تئللرینین عطرینه ، پروانه لر ییغیشیب 



آل یاناقین دوداغین ، قیزیل گولون باغیدیر 





سنینله قارا زهر ، یاغدی بالدی شکردی 



گلگینن سنسیز گولوم ، بالدا قارا " آغی " دیر 





سسین حوری لرسسی ، سوزون ملک سوزودور



سنینله صحبت آنی ، جننتین بیر چاغی دیر 





صاف اورگیندن سوزن معصوم گؤزوندن آخان




زامانین صاف عشقینین، چیراغینین یاغی دیر






یئری هر بیر قدمین ، غزللر میصراعی دیر 



هردن دون ایزینه باخ ، صمدده قوناغیدیر






* آغی = سم . زهر 



نظرات (4)
سلاملار استاد
بو وقتیز خییر

یئنه گوزل دویغولو سوزلری بیر شعرده توپلادیز و بیزلر ایفتیخارلا بلوگیزدا سئویملی بیر آنلارا قوناغ اولدوی.

بو آنلاری بیزلره یاشادان صنعتچی اینسانا درین سایقیلار
پورامان جنابلارینا آلقیشلار.

یاشایین.
سه‌شنبه 27 مرداد 1394 ساعت 20:58
امتیاز: 1 0
پاسخ:
سلاملار فرهیخته سرعشق




یاغیش یاغار باغ گولر

چیچگ آچار داغ گولر

دوست قاپنی دوینده

ائویمده چیراغ گولر


وار اولون روحلاندیریجی گلیشیزله
تانری سیزی قوروسون
+ سلمان عبدی زاده http://salman8.blogfa.com
سلاملار استاد پورامان عزیز
هر چاغ سؤزلرینیز گؤزل اولوبلار ، وار اولاسیز شاد یاشییاسیز
دوشنبه 26 مرداد 1394 ساعت 23:46
امتیاز: 0 0
پاسخ:
سلام حورمتلی استاد
هممه شه لوطفوز وار .
گوزل باخیشیزلا واراولون
تانری سیزی قوروسون
یئری هر بیر قدمین ، غزللر میصراعی دیر

هردن دون ایزینه باخ ، صمدده قوناغیدیر

سلاملار استاد
گؤزل وعاشقانه بیر شعر یازیب یارادمیسان اللرینه اوره یینه ساغلیق دونه دونه اوخودوم فایدالاندیم
دوشنبه 26 مرداد 1394 ساعت 22:11
امتیاز: 0 0
پاسخ:
سلاملار یاشا استاد
برکتلی گلیشیزله وار اولون قارداش
تانری سیزی قوروسون
سنینله قارا زهر ، یاغدی بالدی شکردی


گلگینن سنسیز گولوم ، بالدا قارا " آغی " دیر
چوخ گؤزلدی .یاشاستاد
دوشنبه 26 مرداد 1394 ساعت 17:12
امتیاز: 0 0
پاسخ:
سلام حورمتلی استاد
واراولون گوزل باخیشیزلا
اوغورلار
امکان ثبت نظر جدید برای این مطلب وجود ندارد.


دریافت همین آهنگ