اوغرو اولام

...اوغرو اولماق ایسته ییرم 

                                   ن .کسمنلی 

اوخویورام اوغرو اولام. آلمادان باش اوغورلویام 

گول اوغروندا گئدنلرین. یولوندان داش اوغورلویام 

اللریمه غزل آلیب. گرایلی گئیینیب گئدیب 

جفاکارین. انصافسیزین. قلبیندن داش اوغورلویام 

دوشوب کنعان چوللرینه .ردیف به ردیف دولانیب 

جنه وار اوزون آق ائدن. چولدن قارداش اوغورلویام 

گئجه مثنوی نورونا. پروانه پروانه اوچوب 

خارابادا یئتیم لرین. گوزوندن یاش اوغورلویام 

گویرچیندن قاناد آلیب. آغزیمدا زیتون بیداغی 

قاریج قازیج یئر اوزونده.گزیب ساواش اوغورلویام 

گئجه قوشو اویره نیب . گورم ایچیندن نه کئچیر ؟ 

سلیمانین اوزوگوندن . گرگدیر قاش اوغورلویام 

ص.پورامان