شعر باغچاسی 2
ادبیشعر باغچاسی 2
ادبی
دوواردان باجا دلمه لیگ
یوللاردان بیری گلمه لیگ
کاغاذلاردا بیر کلمه لیگ
سوزومه یئر وار گوره سن؟
اوزوگلردن بیر تاخیملیق
بیلاغلاردان بیر آخیملیق
آیدینلیقا بیر باخیملیق
گوزومه یئر وار گوره سن؟
سئویجیمده . آغلاریمدا
اوز قویماغا داغلاریمدا
بیر ایاقلیق باغلاریمدا
اوزومه یئر وار گوره سن؟
دوورم دولو موعممادی
اگردی .آنجاق . آممادی
باشلار باشلاری قانمادی
چوزومه یئر وار گوره سن؟
نملی قارانلیق بیجاغدا
غملی. حسرتلی قوجاغدا
کولگلی سویوق اوجاغدا
کوزومه یئر وار گوره سن؟
اوجاقلارین بوش ساجیلا
باشلاردا آغری تاجیلا
بو قدر دردله آجیلا
دوزومه یئر وار گوره سن؟
آشیب هوندورلوگ .اوجالیق
حاخلایب داها قوجالیق
مندن سونرا بیر هئجالیق
ایزیمه یئر وار گوره سن؟
ص.پ
محببتله آچیلان. سحرین شامی یوخدور
ائله چیچکلی باغدیر. تله سی. دامی یوخدور
چاغیران جان چاغیریر . چاغریلان جان جان دئیر
آدلار ائله ایتیرلر. هرکس وار، نامی یوخدور
سالاملار اورگدندی . اورگلره ایله شیر
مئی ایچن خم دان ایچیر . باده سی ،جامی یوخدور
آغیزدان چیخان سوزلر . بیر بیریندن تاملی دیر
سانکی عشقین اودوندا . بیشیب دیر خامی یوخدور
الی چاتان هر یئرده . بیر بیریله یاردیمدا
هامی آرزی سیلادیر . هئچ بیر ناکامی یوخدور
بازار وار تره زی یوخ . گوزل گوزل ایشلری
الیندن گلن گورور . بیلیر انعامی یوخدور
بیردیر
سجده قیلما بوتلارا . جان بیردی جاناندا بیر
هر اورگده بیر یئر وار. هر جیسمیده جاندا بیر
بو دوزدورکی قوناقلار. بزگ دیلر هر ائوه
اورگ ائوینده یئر بیر. گرگدی مهماندا بیر
دونیا مولکونون شاهی. دفتری، کتابی بیر
باغ بیردیر باغبان بیردیر. گزمه گه بوستاندا بیر
ایکیلیگ بو دونیادا. یعقوبودا کور ائیلر
یوسف بیردیر دونیادا. زیلیخا، کنعاندا بیر
عشق عالمینده گویدن. هر جور غم یاغا بیلر
آنجاق بوتوو باخاندا. درد بیردی، درماندا بیر
گورورسن هربیرقوشون. آغزیندا مین آوازوار
غزللره باخاندا. سوز بیردیر، دیواندا بیر
هر نه وار یئر اوزونده. صمد بیر نشانه دیر
یوللاری چوخ اولسادا. مقصد بیر نشاندا بیر
قالدیم
قویوب گئتدین من یارامی . باغلییا باغلییا قالدیم
باغلادیم قانی دورمادی . آغلییا آغلییا قالدیم
آی باتدی گونشده چیخدی . گونش باتدی آیدا چیخدی
حسرتین ایله سینه می . داغلییا داغلییا قالدیم
بولود اولدوم یاغیش اولدوم . یاغدیم اوز اوستو باشیما
جوشوب جوشوب سئله دونوب . چاغلییا چاغلییا قالدیم
وفا دئییب جور ائیله دین . گئتدین نییه سین دئمه دین
وفا پیشیگینین ایغین .یاغلییا یاغلییا قالدیم
پاییز گلدی بهار گئتدی . یئنه باشقا باهار گلدی
سن گلمه دین گئجه گوندوز . آغلییا آغلییا قالدیم
پاییز قیش چوکدو سینه مه . حسرت یورقانین بورونوب
غمین دردین قلیانینی . چاغلییا چاغلبیا قالدیم
کوتاه ها
1)
گفتی :
فردا می آیم
هزار سال عمر ام کجا بود ؟
نوح ام مگر ؟
2 )
بهار
فصل دیاری ست
که از تبسم تو سرشار است.
3 )
یوسف شعر ات را
لیلا هایی بسیار
پیراهن می درد از پشت
4 )
کمتر کوه بیا - صحرا برو
این مناطق "حفاظت شده " است
تیر مژگان ات
ببر و پلنگ به ماند
شیر افکن است .