سلام

سلام کردی و سرشار لحن رود شدم

با همه خسر و زیان ،دکان سود شدم 

فضا شکفت از آهنگ دوست ات دارم 

به بوی ناب حضور ات همه درود شدم

دو سوی راه برای ام همه نگاه شدند 

به آتش نگه ات سوخته چون عود شدم 

به دام زلف سیاه ات فتاده و ماندم 

هزار گونه به روی گلی سرود شدم 

کودک خواهش دل را که چون به بوبیدی 

به آتش لب تو سوختم و دود شدم 

پیر ام افتاده ی کوی تو ام و مست 

شاکر ام آنچه که ابروی تو فرمود شدم

.

شعریم سنله باشلاییر . الفبا دا ( آ ) کیمین 

اوزوم ده ایکینجی ام . اوز یئرینده (با ) کیمن

گل ای معصوم جیرانیم . سینه مده جولان ائیله 

ایلکیم سن آخیریم سان . شیرین توت دا (تا ) کیمین 

تئلیندن آیریلیبدی . نئچه سی آل یاناقدان 

گوره نی سئحر ائیله ییر . ساللانیبدی (لا ) کیمین 

سن کی یوخیدین عومروم . آخ لا - وای لا کئچیردی 

(وا )ییمی هاوا ائتدین . ایکی گوزلو (ها ) کیمین 

هردن بیردن چیخ باغا . سرولر قوی اوجالسین 

یوخسا بیرده گوررسن . قیوریلیبلار (قا ) کیمین 

گورورم هر عاشیقی . هر گون صبح ناهار آخشام 

کویونده رکوع دادیر . بئل اییلمیش (دا ) کیمین

خیردا کندین خانی

آدین روحومدا آخیر . دامارلاردا قان تکین

قلبیمی آباد ائدیب . خیردا کندی خان تکین 

آلا گوزون اولدوزتک . گئجه گوندوز پارلاییر 

عومرومه حیات وئریر . جسمیمده کی جان تکین 

یاناقیندا   آلمایا .  هممه شه  یئریگده یم 

ائله گرگیمدی کی . خسته یه درمان تکین 

دور باخگینان بیر آنلیق . کیپریگلرین سینه می

آل قانا بله ییبدی . کویونده قوربان تکین 

ساچلارینین عطیری . ائله سئحیرله ییب کی 

اؤزوم ،  اؤز وارلیقمدا . دورموشام مهمان تکین 

صمد من حئیرتده یم . سرو قده گور نئجه ؟ 

بال آریسی - پروانه . داراشیب بستان تکین !

سینیق سهنگ ....

عشقینین مئیدانیندا . خدنگه توش گلمیشم 

دوشوب جفان سئلینه . توفنگه توش گلمیشم 

بو نئجه آی سیز گئجه . نئجه تیکانلی یولدو 

قارانلیق بیر مئشه ده . پلنگه توش گلمیشم 

جورون قارا دنیز تک . گون به گون لپه له نیر 

کوپوگدن آستانیرام . نهنگه توش گلمیشم 

ائشیدمیشدیم کی عشقین . یولو قیرمیزی یولدو 

اینانین من بو یولدا . مین رنگه توش گلمیشم

 

عشقین آدی گلنده . محببت جانلاناردی

 

آنجاق گور من بو یولدا . نه جنگه توش گلمیشم 

صحرالار گئری قویوب . تیپ تیپ سیناغدان کئچیب 

بیرده دونوب گورورم . کی هنگه توش گلمیشم 

سوسوزلیقدان دیل دوداق . تندیرتک تپییبدی 

باختیما باخ کی سینیق . سهنگه توش گلمیشم