یاز اولسادا مئی سیز سحر . گوزلریمده شام گورونور
سئوگی سیز آچیلان قوجاق . بر - بزگلی دام گورونور
میننتلی شکر ، بال اولسون . زهرمارداندا آجی دیر
عشقیله وئریلن زهر . شراب دولو جام گورونور
چک اوزوندن یایلیقینی . قوی گون چیخسین آلوو یاغسین
سینه مده کی بو کبابین . قانی آخیر خام گورونور
هر باخاندا مست اولورام . اوزومده هئچ بیلمیرمیشم
اوزونده کی کیشمیش ایمیش . کاناردان بادام گورونور
قانی توکولموش شهیده . یار کویینده آغلامایین
جانی یار قوجاغیندادیر . جیسمیندن ناکام گورونور
گیرمیشدیم سویود باغیندان . آلما گتیردیم گولدولر
عاغیللا باخاندا دوزدور . زیلیخا بد نام گورونور
سینه ده عشقین دامجی سی . صمد کیچیگ گورونسه ده ؟
بیر طوفاندی هادیر اولون . باخمایین آرام گورونور
بیرجه پیاله او گولون . الیندن حواله اولا ؟
اینانمیرام عومور بویو . سینه مده بیر ناله اولا
دونیانی بوتون آختارین . هانکی میخانادا واردیر
او قونچا دوداقلار تکین . قیرمیزی پیاله اولا
آلتی قارره نی دولاشین . اینانمیرام هئچ اولکه ده
اول آل یاناقلارا اوخشار . باغ تاپیلا لاله اولا؟
هانکی دفترهانکی کتاب ؟ هانکی دیواندا گورموسوز ؟
گوزلرینین سوزلری تک . عشقه بیر رساله اولا؟
جانیندا هوشون دوه سی . تیکانا ، چور - چوپه باخمیر
آچیب آغزینی کی گرگ . غزلدن نوواله اولا
ایمکانیم اولایدی صمد . بو دونیانی گویلریله
آزدیر کی آلام یازدیرام . آدینا قباله اولا
اوره گیم ایسته ییر سنی . عاغلیم حسادت ائیله ییر
هممه شه اورگ ایشینه . فیکیر دخالت ائیله ییر
قورتارماق اولمورالیندن . دوستون دوشمانین یانیندا
اوز گوزومون بزگینی . ترلی خجالت ائیله ییر
اوره گین دویونتولرین .بیربیرییغیب چنته سینه
سونرا هریولدان کئچه نه . دوروب حکایت
ائیله ییر
اورگ سئوگیلی یولوندا . آلاندا جانین الینه
دوروب دوشوب اورتالیقا . فیکیرملامت ائیله ییر
اورگ یانماقی سئورکن .کول اولماقیندان ذوق آلیر
الینه تیکان باتاندا . عاقیل شکایت ائیله ییر
اورگ آز چوخ نه دیربیلمیر . وارندیرچوخ ندیربیلمیر
عشقه قوربان گئدنده ده . عاغیل قناعت ائیله ییر
عاغیل اوز توتوب بازارا . تره زیسین اویناداندا
اورگ قیبله یه اوتوروب . عشقی تلاوت ائیله ییر
آختاریب آختاریب گوردوم . ایلیشمیشم نام الینده
باشیندان اولوبدو باشیم . قولپو سینیق جام الینده
نئجه جلد بیر قوشیمیشام ! ایللردی کی ایلیشمیشم
قانادیمدان، دیمدیگیمدن . دانه سیز بیر دام الینده
اود آلوودا، یاناندا کاش . سئوگی اودوندا یاناسان
نئجه پروانه لر یانیر . خیرداجا بیر شام الینده
بیراوچ بئش گونلوگ دونیادا . نام کولگه سینده قالینجا
نه یاخشیدیر کی قالایدیم . نازلی گول اندام الینده
وفاسیز یالان دونیانین . الینه وئرمه الینی
فانی دونیایا اینانیب . اولما صمد رام الینده
گوزآچیب یومونجا گوردون . کفن بیچیلیب اینینه
دونیا سنی تابیدیندا . آپاریرناکام الینده
نازینلا سرمه چکیب . گوزلرینه غزاله لر
سنین دردینله یاندیریب . اوز سینه سینی لاله لر
قوی دورسون قیراغدا خومو. دورایغا بوش جام لاری دوز
آغ الینین ایستی سینه . مست اولاجاق پیاله لر
چیخیرسان گولشنه باری . ساچلارینی توک اوزونه
گونش قالسین تئل آلتیندا . بیز آز یاشاسین ژاله لر
اوزونده کی قارا خالا . دیوان دیوان غزل ، قالسین
بوتون دیللرده یازیلیب . گور نئچه مین رساله لر
وارلیلار واریندان کئچیر . باغبانلار اوز باغلاریندان
آدین گلنده جیریلیر . قورقوشوملو قباله لر
درگاهیندان کرم آخیر . کویوندن مرحمت شاخیر
بیر پارچا گولوشه دونور . سنه چاتاندا ناله لر
***
بیلاغین گوزو بره لیب . اول سروی قدی گوررکن
حئیرتدن آستانیب دوروب . داش اوزوندن شلاله لر
گور نئجه بزم دیر حریف . گورجگ ساقینی کئفله نیر
خوم لارین آغزی باغلیدیر . یئرده قالیب حواله لر